مجال العمل في اليوتيوب أصبح من افضل المجالات في الربح من الانترنت
التى تسمح لكل من يريد ان يبدأ في الربح من الانترنت بطريقة مضمونة أن يبدأ
بها في الحال و لكن مشكلته الكبرى التي تواجه كل يوتيوبر صاعد هى أنه
بمجرد ان يقوم بنشر الفيديو لا يعرف كيف سيأتى بمشاهدات لان انتشار تلك
الفيديوهات هو اهم أهدافهم، فالمشاهدات الكثيرة تعني ارباحا اكثر وبالتالي
سيحصل على المزيد من المشتركين وانتشار القناة بسرعة.
وحتى اكون صريحا معك، ان الوصول لذلك العدد الكبير من المشاهدات ليس سهلا، فهنالك الكثير والكثير جدا من الاستراتيجيات و الطرق لزيادة مشاهدات اليوتيوب مجانا بشكل جنوني، ولكن في هذا الشرح سأشارك معك افضل هذة الاستراتيجيات على الإطلاق لزيادة مشاهدات اليوتيوب مجانا.
وبالفعل استخدمت الاستراتيجية دى على القناة هنا وحققنا حوالى 70 ألف مشاهدة في قناة كانت لا تتجاوز الألف مشترك وفي الفترة دى اللى المشاهدات بدأت تزيد فيها بدأ عدد المشتركين يزيد و ذات حوالى ألفين مشترك واللى طبعا بشكرهم على دعمهم للقناة واشتراكهم فيها ولو انت بتقرأ دلوقتي ولسه ماشتركتش في القناة تقدر تشترك فيها من هنا : قناة اليمانيستا على يوتيوب.
احنا جايين نتكلم النهاردة عن الكنز بتاعنا وهو الفيديوهات المقترحة .. ممكن تستغرب وتقول ازاى بس في الحقيقة دا افضل مصدر للمشاهدات على يوتيوب حاليا، النهاردة هنتكلم عنها وازاى تجيب مشاهدات كويسه من الفيديوهات المقترحه دى. خلينا عارفين ان على اليوتيوب عموما أكتر من 40% من المشاهدات اللى بتيجي بتكون عن طريق الفيديوهات المقترحة و 25% بس من البحث والباقي في حجات متنوعه من مصادر خارجيه واعلانات وخلافه.
خليك عارف ان فيديوهاتك لو وصلت للفيديوهات المقترحه دى هتجيب آلاف المشاهدات وممكن توصل لملايين المشاهدات .. خلينا بقا نقول أفضل حجات نعملها علشان نوصل ونخلي الفيديو بتاعنا من الفيديوهات المقترحه دى وناخدها على خطوات.
الخطوة الأولى : هنبحث عن فيديو مشهور وبيجيب مشاهدات عاليه جدا في المجال اللى هنتكلم عنه :
وخلينا فاكريين كويس ان هدفنا من الطريقه دى اننا نظهر كفيديو مقترح مش اننا نظهر في نتائج البحث وبالتأكيد الفيديو بتاعك بقا جنب فيديو مشهور دا هيجيبلك مشاهدات حلوة جداا جدااااا .. وهنجيب الفيديو المشهور طبعا من خلال اننا هنبحث كويس في المجال اللى هنتكلم فيه ونتأكد ان الفيديو ده بيجيب مشاهدات عاليه ومستمره.
الخطوة التانية : هنعمل فيديو أكبر من حيث وقت الفيديو وأفضل منه في المحتوى الا حد ما :
هتقولى ليه دا مهم بقا ؟ هقولك أنا .. من فتره اليوتيوب نشر ورقه بحثية بعنوان "Deep Neural Networks For YouTube Recommendations" المهم فيها اتكلموا عن ازاى بيتم تحديد الفيديو المقترح الا حد ما وعلى الأغلب ناجحه جدا واتذكر في الموضوع ده عن اهمية وقت المشاهدة المقترحه.
و خلينا نعرف ايه هو وقت المشاهدة المقترحه ده : وببساطة هو الوقت اللى لما أى حد يضغط على الفيديو بتاعك هيشوف فيه قد ايه وطبعا اليوتيوب هيفضل الفيديوهات الأعلى في وقت المشاهدة ده علشان يخلى الناس تفضل وقت أكتر في يوتيوب فيبقي كل ما زاد وقت المشاهدة المقترحه دى او الوقت اللى الناس بتشوف الفيديو بتاعك فيه كان بالتأكيد أفضل.
كمثال : يعنى لو عملنا فيديو عن نيتش او محتوى معين وخلينا ان ده الفيديو الأول وبدأ يظهر في المقاطع المقترحه ولما الناس تضغط عليه بيتفرجوا بس على 30 ثانيه منه هنا بتعرف خوارزميات اليوتيوب ان اى حد بعد كده هيضغك على الفيديو ده هيشوف في متوسط 30 ثانية بس منه، طيب لو عملنا فيديو تاني بقا عن نفس النيتش او المحتوى وكان أكبر شوية ومثلا الناس هتشوف في المتوسط هنا دقيقتين، يعنى كده اربع اضعاف الفيديو الأول وبما ان الوقت هنا أكبر فبالتأكيد الفيديو التانى أفضل انه يكون في المقاطع المقترحه عن الفيديو الأول.
الخطوة التالته : تحسين وتهيئة الفيديو :
اول حاجة عندنا في التهيئة هتكون الكلمات المفتاحية ودى هنجيبها من الفيديو المشهور اللى بحثنا عنه في البداية وناخدها كوبي من الفيديو ده .. وممكن نستخدم اكتر من اداه علشان نعمل الموضوع ده زى مثلا Tube Buddy أو كمان VidIQ.
وبعد الكلمات المفتاحيه في التهيئة جيه دور الوصف او الدسكربشن اللى مهم جدا يبقي فيه الكلمة الرئيسية بتاعت الفيديو بتاعك أكتر من مرة وتكون في سياق جمله. الفكره انها لازم تتحط في جمل منسقة علشان يوتيوب ميحسش انها سبام.
آخر حاجة في موضوع التهيئة بقا هيكون تحسين نسبة الـCTR ودى هى اختصار لكملة Click through rate بمعنى عدد الناس اللى هتضغط على الفيديو فعليا أول ما تشوفوا وطبعا كل ما زادت النسبة دى زادت نسبة المشاهدات. على سبيل المثال الفيديو بتاعنا بيظهر كفيديو مقترح و 5% بس من اللى بيشوفوا الفيديو ضغطوا على الفيديو بتاعنا طبعا دا كويس بس لو كانوا مثلا 10% كده عدد المشاهدات يتضاعف طبعا ودا من غير ما متعمل حاجة تانيه.
وبعد الكلمات المفتاحيه في التهيئة جيه دور الوصف او الدسكربشن اللى مهم جدا يبقي فيه الكلمة الرئيسية بتاعت الفيديو بتاعك أكتر من مرة وتكون في سياق جمله. الفكره انها لازم تتحط في جمل منسقة علشان يوتيوب ميحسش انها سبام.
آخر حاجة في موضوع التهيئة بقا هيكون تحسين نسبة الـCTR ودى هى اختصار لكملة Click through rate بمعنى عدد الناس اللى هتضغط على الفيديو فعليا أول ما تشوفوا وطبعا كل ما زادت النسبة دى زادت نسبة المشاهدات. على سبيل المثال الفيديو بتاعنا بيظهر كفيديو مقترح و 5% بس من اللى بيشوفوا الفيديو ضغطوا على الفيديو بتاعنا طبعا دا كويس بس لو كانوا مثلا 10% كده عدد المشاهدات يتضاعف طبعا ودا من غير ما متعمل حاجة تانيه.
آخر حاجة ودى مهمه جدا وهى مقدمة الفيديو ولازم تكون معبره عن الفيديو وتشد المشاهد انه يكمل معاك الفيديو ودايما حاول تكون حماسي فيها علشان المشاهد بيحب يتفرج على الحاجة الحماسيه أكتر من انها تكون ممله.
كلمة أخيرة قبل مشاهدة الشرح : إنشاء قناة على يوتيوب وتحقيق النجاح معها ليست مهمة سهلة، لكن هذا الحلم الذي يمكن أن يراودك تحقيقه ليس مستحيلا، هناك عدد كبير من القنوات الناجحة ويمكن أن تكون أنت التالي ضمن الناجحين على يوتيوب فقط ان كنت تملك الشغف لتتحدث عن المجال الذي تفهم فيه.
كلمة أخيرة قبل مشاهدة الشرح : إنشاء قناة على يوتيوب وتحقيق النجاح معها ليست مهمة سهلة، لكن هذا الحلم الذي يمكن أن يراودك تحقيقه ليس مستحيلا، هناك عدد كبير من القنوات الناجحة ويمكن أن تكون أنت التالي ضمن الناجحين على يوتيوب فقط ان كنت تملك الشغف لتتحدث عن المجال الذي تفهم فيه.
أما الان ننتقل لفيديو شرح افضل مصدر لزيادة مشاهدات فيديوهات اليوتيوب :
إجراءات أخرى يجب عليك مراعاتها بعد مشاهدة هذا الشرح
- يُفضل أن يكون الفيديو المنشور ذات جودة عالية كجودة 1080 بيكسل على الأقل.
- حاول أن يكون الفيديو مشوقا وممتعا حتى يبقي المشاهد أطفل فترة مُمكنة.
- شجع مشاهدين الفيديو على مشاركته على شبكات التواصل الاجتماعية.
- استخدم صورة مصغرة للفيديو جذابة وتدل على محتوى الفيديو.
- التزم بنشر فيديو جديد بفترات محدده وثابتة على الأقل.