القائمة الرئيسية

الصفحات

تسريع الانترنت عن طريق اضافة الرقم دا في الراوتر بس وشوف الفرق !!

السلام عليكم زوار موقع اليمانيستا الكرام، تحدثنا في شرح سابق عن تسريع الانترنت عن طريق اننا بنغير حجات في الواي فاي فاحنا ممكن نعتبر شرحنا النهاردة الجزء التانى ولكن منفصل تماماً بمعنى اننا نقدر نعمل شرحنا النهاردة وان شاء الله بعد ما تعمله النت هيسرع معانا ولو مشوفتش الشرح التاني هتلاقيه هنا "غير الرقم دا لتسريع الانترنت في الواي فاي وهتشوف الفرق بعينك !" فبعد ما تخلص ده ممكن تعمل التانى كمان ويبقي اسرع واسرع ويالا بينا نبدأ الشرح.

إذا كنت غير متأكد من مدى سرعة الإنترنت لديك، يمكنك إجراء اختبار سرعة للحصول على أرقام أكثر دقة، وتذكر أن إجراء الاختبار عدة مرات على مدار اليوم سيمنحك معلومات أفضل عن متوسط سرعة الاتصال. ويمكنك ذلك عن طريق موقع مثلا Speedtest.net أو Fast.com بكل سهوله.

حابب في البداية انوه ان لو الراوتر بتاعك مختلف ممكن تسيب اسم الراوتر في كومنت تحت وهأرد عليك بازاى توصل للحجات اللى هنشرحها النهاردة .. لكن أرجوك تسيب اسم الراوتر والموديل لأن في موديلات كتير جدا وبتبقي مختلفه في صفحة الراوتر والموديل هتلاقيه في ضهر الراوتر.

وبما أننا نتحدث بخصوص سرعات الانترنت فلا تنسي قراءة موضوع : ازاى باقة الانترنت المنزلي متخلصش قبل ميعادها.

شرحنا النهاردة هينقسم على حاجتين ال DNS و كمان ال MTU .. أول حاجة الDNS ودى شوية أرقام هنضيفها في الراوتر بتاعنا هترفع معانا السرعه وكمان تقلل معانا البينج ودا شرح ازاى تضيف الأرقام دى وهتلاقيه عملي في الفيديو بالأسفل :
  1. هنفتح صفحة الراوتر من خلال اننا هنكتب 192.168.1.1
  2. هنكتب الـ Username و الـ Password اللى بيكونوا موجودين في ضهر الراوتر وغالبا بيكونوا admin admin
  3. هنفتح من على Network .. نفتح LAN
  4. هنلاقي حاجة اسمها DNS Server واللى غالبا هتلاقي الأرقام فيها زى الرقم اللى بنفتح بيه الراوتر
  5. هتغيرها برقم من أرقام الـ DNS دى واللى وبعد ما نحطهم هنعمل Submit

ودى بعض الأرقام المختلفة اللى تقدر تستخدمهم في الـ DNS :
  1. Dns server 1:‭‭‭‭‭‭ 163.121.128.134‬‬‬‬‬‬ == Dns server 2: ‭‭‭‭‭‭163.121.128.135
  2. Dns server 1: ‭‭‭‭‭‭8.8.8.8‬‬‬‬‬‬ == Dns server 2:‭‭‭‭‭‭ 8.8.4.4
  3. Dns server 1:‭‭‭‭‭‭ 1.1.1.1 == Dns server 2:‭‭‭‭‭‭ 1.0.0.1
  4. Dns server 1:‭‭‭‭‭‭ 208.67.222.222 == Dns server 2:‭‭‭‭‭‭ 208.67.220.220

أما علشان نتأكد من ان الأرقام دى افضل حاجة نستخدمها على خطنا الأرضي فاحنا على الموبايل هتنزل برنامج اسمه ترمينال واللى نقدر ننزله من هنا وعلى الكمبيوتر او اللاب مش هتحتاج برامج خالص وهتلاقي شرح ازاى نتأكد في الفيديو بالأسفل. أما عن الأمر الخاص بعملية التجربة فهيكون : ( ping google.com ).

كدة نكون خلصنا موضوع الDNS ندخل بقا على الMTU :
  1. واحنا في صفحة الراوتر من هندخل من على Network هنفتح WAN Connection
  2. من الكونيكشن نيم هأختار "PVC0" هنزل تحت كده هلاقي الMTU برقم معين زى عندى مثلا 1492
  3. بعدها هنبدأ نعمل تيست وهنكتب الأمر دا مع تغيير وتقليل الرقم "ping google.com -f -l 1480"
  4. وهبدأ أجرب بنفس الأمر وأقلل الرقم لحد ما اوصل لأن ميحصلش فقد داتا في الراوتر
  5. وقتها هآخد الرقم ده وأضيفه في الMTU ويكون ده أفضل رقم للخط بتاعى
  6. أنزل تحت واضغط على Modify

أما الان ننتقل لفيديو شرح تسريع الانترنت في الواي فاي :


أنواع مختلفة من الراوتر :

هل اعجبك الموضوع :

تعليقات