الطريقة الصحيحة لتفعيل البين كود في حساب جوجل أدسنس



السلام عليكم زوار موقع اليمانيستا الكرام، تحدثنا في شرح سابق عن " طريقة انشاء حساب ادسنس Google AdSense والقبول بسهوله في أرباح أدسنس ! " والنهاردة في الفيديو والشرح بتاعنا هنعرف كل الطرق اللى ممكن تفعل بيها البين كود في حسابك على أدسنس وهأشارك معاكوا غلطين اوعى ثم اوعى وكمان مره اوعى تغلطهم علشان هتزعل جامد أوى.

خلينا عارفين ان تفعيل البين كود مش بيتم غير عن طريق من اتنين بس، طريقين يا اما يوصلك الرسالة عن طريق البريد يا اما متوصلكش الرسالة عن طريق البريد، والأولى وهى ان الرسالة توصلك لحد البيت عن طريق البريد ودى وقتها هيكون فيها رقم مكون من 6 أرقام هتدخلهم في الحساب بتاعك وشكراً.

واللى مش عارف هو ايه البين كود دا أصلا احنا ممكن نسهل بشرح بسيط جدا، مثلا يعنى : تعرف الرسالة اللى بتوصلك على الموبايل علشان تأكد بيها حسابك على الفيسبوك أو جوجل وبيكون فيها أرقام ورموز تكتبهم ووقتها حسابك يتأكد ! بالظبط كده هى نفس الفكرة بالظبط بس الفكرة عند أدسنس انهم محتاجين يتأكدوا من عنوانك بكل دقة.

وقبل ما نعرف الطريقه التانيه خلينا نعرف الغلطتين اللى أنا غلطهم وخلونى استنيت كتير جدا لحد ما فعلت الحساب، الأولى وهي انى معملتش التركايه اللى هقولها علشان الرسالة توصلي من أول مره علشان دا كان هيوفر معايا وقت كبير جدا جداا مش أقل من شهرين تلاته مثلا، والتانية وهي انى للأسف استنيت كتير اوى لحد ما طلبت البين كود مرة تانيه لحد ما الاعلانات وقفت واختفت من الموقع لحد ما البن كود يوصل او افعل البن بالطريقة التانيه.

ومعادنا مع الطريقة التانية ودى مش هنحتاج فيها اى حاجة خالص غير انك هتدخل على الرابط اللى تحت دا وان يكون معاك البطاقه بتاعتك وتصورها وش وضهر ... ودى تعتبر أسهل طريقه لتفعيل بين كود أدسنس علشان دى بتعرف بعملية تفعيل ادسنس بالبطاقة.

أما عن التركايه بقا اللى هتخلينا نجيب البن كود لحد البيت من أول مره وهى في العنوان بتاعك اللى هيتبعتلك عليه البن كود دا بيكون فيه خانة اسمها عنوان المنزل دى هنكتب فيها رقم الموبايل بتاعنا وجنبه بالعربي طبعا "رن عليا وانا هجيلك وشكراً".

أما الان ننتقل لفيديو شرح تفعيل البين كود :

أما الان ننتقل لرابط تفعيل البين كود عن طريق البطاقة :

هتدخل على الرابط دا : https://support.google.com/adsense/contact/id_verification
تعليقات



حجم الخط
+
16
-
تباعد السطور
+
2
-